El-Ala

سَبِّحِ اسْمَ رَبِّكَ الْأَعْلَى

Lavdëro emrin e Zotit tënd, më të Lartit,

الَّذِي خَلَقَ فَسَوَّىٰ

që ka krijuar gjithçka dhe e ka përpjesëtuar drejt;

وَالَّذِي قَدَّرَ فَهَدَىٰ

që ka caktuar fatin e çdo gjëje dhe ia ka rrëfyer rrugën;

وَالَّذِي أَخْرَجَ الْمَرْعَىٰ

që bën të rriten kullotat

فَجَعَلَهُ غُثَاءً أَحْوَىٰ

dhe pastaj të shndërrohen, të thahen e të vyshken.

سَنُقْرِئُكَ فَلَا تَنسَىٰ

Ne do të të bëjmë ty (Muhamed) të lexosh (Shpalljet Tona), kështu që nuk ke për të harruar,

إِلَّا مَا شَاءَ اللَّهُ ۚ إِنَّهُ يَعْلَمُ الْجَهْرَ وَمَا يَخْفَىٰ

përveç asaj që do Allahu. Vërtet, Ai e di të dukshmen dhe çka është e fshehtë.

وَنُيَسِّرُكَ لِلْيُسْرَىٰ

Do të ta lehtësojmë ty rrugën e drejtë,

فَذَكِّرْ إِن نَّفَعَتِ الذِّكْرَىٰ

prandaj këshillo, nëse këshilla do të jetë e dobishme!

سَيَذَّكَّرُ مَن يَخْشَىٰ

Asaj do t’ia vërë veshin ai që (i) frikësohet (Allahut),

وَيَتَجَنَّبُهَا الْأَشْقَى

e do t’i shmanget vetëm më i keqi,

الَّذِي يَصْلَى النَّارَ الْكُبْرَىٰ

i cili do të digjet në zjarrin e madh,

ثُمَّ لَا يَمُوتُ فِيهَا وَلَا يَحْيَىٰ

ku as nuk do të vdesë, as nuk do të jetojë.

قَدْ أَفْلَحَ مَن تَزَكَّىٰ

I shpëtuar është ai që pastrohet,

وَذَكَرَ اسْمَ رَبِّهِ فَصَلَّىٰ

që e përmend emrin e Zotit të vet dhe që fal namaz!

بَلْ تُؤْثِرُونَ الْحَيَاةَ الدُّنْيَا

Por ju, përkundrazi, më shumë po e parapëlqeni jetën e kësaj bote,

وَالْآخِرَةُ خَيْرٌ وَأَبْقَىٰ

ndonëse jeta tjetër është më e mirë dhe e amshuar.

إِنَّ هَـٰذَا لَفِي الصُّحُفِ الْأُولَىٰ

Kjo, me të vërtetë, ndodhet në Fletët e lashta,

صُحُفِ إِبْرَاهِيمَ وَمُوسَىٰ

në Fletët e Ibrahimit dhe Musait.